Apple mund të jetë duke punuar në një version të ri të iPhone i cili mund të paloset, sipas një patentë të paraqitur këtë javë.
Patenta, e titulluar “Pajisjet elektronike me ekrane fleksibël që palosen,” përshkruan një smartphone me një ekran fleksibël që mund të paloset përgjysëm.
Patenta tregon një qasje unike ndaj një problemi të zakonshëm me pajisjet e ekranit të palosshëm, domethënë që sasi të ndryshme presioni aplikohen në ekran në varësi të asaj se kur është i hapur ose i mbyllur.
Këto ndryshime në tensionin e ekranit mund të shkaktojnë rrudhosje të tij ose shtrembërim dhe shpejt shkakton probleme me cilësinë e imazhit në pikën e palosjes. Apple ka krijuar një mekanizëm unik që do të tërheq ekranin në një kënd rreth nyjes, një kënd presioni që është pak më i gjerë se sa ai që zbatohet në pjesët e jashtme të ekranit.
Kur pajisja është e hapur dhe ekrani i sheshtë në vend që të jetë i palosur, mentesha ose nyja e bashkimit, vendos dy kthesa mbështetëse të brendshme që rrotullohen në vendin poshtë ekranit për ta mbajtur atë të rregullt dhe të sheshtë.
Ndërsa smartphonët e palosshëm duken tërheqës, ata kanë paraqitur disa dhimbje koke kryesore inxhinierike për prodhuesit. Vitin e kaluar, Samsung lëshoi smartfonin e tij të parë të palosshëm Galaxy Fold, dhe disa përdorues raportuan shenjat e rrudhjes së ekranit dhe efektet e tjera të prishjes./ACP/
