Kryeministri japonez Shinzo Abe deklaroi sot një gjendje të jashtëzakonshme për të luftuar Coronavirusin në qendrat kryesore dhe zbuloi një paketë stimuluese që ai përshkroi si ndër më të mëdhatë në botë për të zbutur goditjen ekonomike. Abe njoftoi gjendjen e jashtëzakonshme që shënjestroi kryeqytetin Tokio dhe gjashtë prefektura të tjera, që përbëjnë rreth 44% të popullsisë së Japonisë, për një periudhë rreth një muaj.
“Ne kemi vendosur të shpallim gjendjen e jashtëzakonshme, sepse kemi gjykuar se një përhapje e shpejtë e Coronavirusit në mbarë vendin do të kishte një ndikim të madh mbi jetën dhe ekonominë.” i tha ai parlamentit.
Kabineti i tij do të përfundojë gjithashtu paketën stimuluese me vlerë 108 trilionë jen (990 miliardë dollarë) e barabartë me 20% të prodhimit ekonomik të Japonisë, për të qetësuar ndikimin e epidemisë në ekonominë e tretë më të madhe në botë. Kjo tejkalon 11% të prodhimit amerikan për paketën stimuluese të paraqitur nga Presidenti Donald Trump dhe 5% e prodhimit për paketën e Gjermanisë.
Abe tha se shpenzimet e drejtpërdrejta fiskale do të arrinin në 39 trilion jen, ose 7% të ekonomisë, më shumë se dyfishi i shumës që Japonia shpenzoi pas rënies në vitin 2008 të Lehman Brothers.
Rastet me Coronavirus në Tokio më shumë se janë dyfishuar në rreth 1200 persona javën e kaluar, me më shumë se 80 raste të reja raportuara të martën, duke përbërë numrin më të madh në vend. Në mbarë vendin, rastet e prekura janë ngjitur në 4,000 me 93 vdekje që nga e hëna.
Abe ka theksuar se gjendja e jashtëzakonshme do të luftohet së shpejti me vendosjen e një izolimi zyrtar siç shihet në vendet e tjera. Emergjenca i jep qeveritarëve autorizimin që t’u bëjnë thirrje njerëzve të qëndrojnë në shtëpi dhe bizneseve që të mbyllen. Pa penalitete për injorimin e kërkesave në shumicën e rasteve, përmbarimi do të mbështetet më shumë në presion dhe respektimin e autoritetit.
Guvernatori i Tokios, Yuriko Koike tha se qyteti ishte në bisedime me qeverinë qendrore për të vendosur se cilat lloje biznesesh do të mbyllen ose zvogëlojnë orarin e punës, ndërsa përsëriti se nuk do të kishte kufizime në blerjen e ushqimeve dhe ilaçeve./Atlas/
