Kompanitë eksportuese obligohen që t’i noterizojnë edhe fletët e bardha

Një vendim i Institutit të Shëndetit Publik, i marrë para 6 muajsh, ka nxitur reagim nga komuniteti i biznesit në Kosovë.

Përmes këtij vendimi, bizneset prodhuese, me rastin e eksportit duhet ta noterizojnë të gjithë dokumentacionin e eksportit, përfshirë edhe fletët e bardha.

Berat Rukiqit, Kryetar i Odës Ekonomike të Kosovës, ka thënë se me këtë vendim në disa raste kosto e noterizimit për bizneset eksportuese është rritur për 300 për qind. “Qeveria duhet të merret me burokracinë. Kompanitë prodhuese dhe eskportuese paguajnë mijëra e mijëra euro, kosto të noterizimit, për fleta të bardha, ku nuk është asnjë shkronjë e vetme.

Para 6 muajve, kemi dërguar një kërkesë në Institutin e Shëndetit Publik, i cili në baza absurde vendos që të noterizohet çdo fletë e dokumentacionit të eksportit, përfshirë edhe fletët e bardha, ku nuk është asnjë shkronjë e vetme, për anulim të këtij vendimi. Në shumë kompani, kosto e noterizimit është rrit 300%, si pasojë e këtij vendimi. Edhe pas 6 muajve, nuk ka asnjë përgjigje nga ky institucion”, ka shkruar Rukiqi në profilin e vet në “Facebook”.

Postimi i plotë i z. Berat Rukiqi:

Qeveria duhet te merret me burokracine. Kompanite prodhuese dhe eskportuese paguajne mijera e mijera euro, kosto te noterizimit, per fleta te bardha, ku nuk eshte asnje shkronje e vetme

Nje shembull eklatant, si ilustrim per vendime te gabuara, nga institucione te gabuara, qe ndikojne direkt, ne klimen e te berit biznes, per me shume ndikojne ne aftesine konkurruese te prodhuesve dhe eksportuesve:

Para 6 muajve, kemi derguar nje kerkese ne Institutin e Shendetit Publik, i cili ne baza absurde vendos qe te noterizohet cdo flete e dokumentacionit te eksportit, perfshire edhe fletat e bardha, ku nuk eshte asnje shkronje e vetme, per anulim te ketij vendimi. Ne shume kompani, kosto e noterizimit eshte rrit 300%, si pasoje e ketij vendimi. Edhe pas 6 muajve, nuk ka asnje pergjigje nga ky institucion.